Comune di Austis (NU) Sardegna

Ischedas Linguìsticas

In custa setzione bi sunt sas ischedas linguìsticas. Est a nàrrere ca, sighende sos indicos chi dat sa RAS in sas ischedas chi amustrant sas caraterìsticas de sa LSC, amus pesadu un'anàlisi cumprida de sa faeddada austesa. Amus partzidu in duas categorias sas ischedas: morfologia e fonètica. In sas ischedas morfològicas amus sa gramàtica, totu sas normas de mudamentu de sos sufissos chi faghent cumprèndere sa “forma grammaticale” de su faeddu, totu sas formas verbales e averbiales, finas cun totu su chi non torrat in LSC. In sas ischedas fonèticas bi sunt acarados sos sonos de s'Austesu e sa rapresentatzione issoro, cun sa rapresentatzione iscrita comuna LSC, pro bìdere cales sunt sas diferèntzias e sas comunàntzias, ma peri pro pònnere custas caraterìsticas in intro de categorias chi si potzant cunfrontare a sa lestra. A prus, amus postu comente si pronùntziat su nùmene de sas biddas connotas a nòmene sardu (chi connoschiant o chi podiant tènnere relatas) in Austis.