Comune di Austis (NU) Sardegna

Ischedas Culturales

In custa setzione de su portale amus chèrfidu istèrrere su chi sunt sos datos de sa bidda, cun s'agiudu de ischedas a mustrarent sos aspetos geogràficos, istòricos e culturales de sa bidda. Sunt iscritas in LSC e in austesu. Est istadu unu sèberu su de non fàghere ateruna collida de materiale folclòricu, chi giai medas e bonas sunt sa chi si sunt fatas in Austis, sende una de sas biddas chi prus at chistidu non petzi sa cultura sua, ma dd'at finas documentada in medas chircas iscolàsticas e privadas (bide sa Biblioteca Comunale). Unu grustu de persones est amanniende sa collida de sos faeddos prus antigos o prus pagu ispainados e narados oe in die, e sa bidda podet bantare medas chi iscrient in contu de sa realtade issoro. Tando amus bòrtzidu dare un'esèmpiu de ischedatura de su materiale chi podiat agiudare un'istràngiu a s'apresiare a sa bidda de Austis, leghende peri in limba comuna. Intremesu de sas trascritziones de sas intervistas fatas cun sos antzianos de sa bidda, bi sunt sas nodas linguìsticas, chi cumprint su cuadru de sos singiales de su faeddare austesu, su chi fiat s'obietivu de sa chirca.